Aizawlah Faina Hnatlangpui neih a ni

PHE department leh Central YMA chuan nimin khan Aizawl leh a chhehvelah Faina Hnatlangpui an huaihawt a, New Capital Complex tualzawlah minister Dr R Lalthangliana'n a vailiam.

Faina Hnatlangpuiah hian Aizawla YMA branch 108 aṭangin mi thawk chhuak tura beisei a ni a, bawlhhlawh paih motor (407 truck) 22 hman a ni. Aizawla hmun ualau lai leh khawpui daiféma hmun parukah hnatlan ṭanna hun hman a ni.

Hnatlanna hmunte chu - Aizawl By-Pass Road-a Chite lei aṭanga Silaimual, Mualdungsei aṭanga PTC péng, MINECO, Mission Vengthlang leh Dihmunzawl inkar, Durtlang Leitan leh Bawngkawn inkar leh, Durtlang Leitan leh Sakawrhmuituaitlang inkarte a ni.

Mminister Dr R Lalthangliana chuan, PHE leh YMA thawhhona chu ropui tih thu sawiin, "Kan thil tih apiangah hlawhtling tur chuan thinlung aṭanga chhuak veina tak tak a pawimawh.

Kan ram chhiat leh ṭhatah keimahni ṭheuh hian mawhphurhna kan nei a ni," a ti.Lui hnár thenfai leh ramngaw humhalh a ṭul tak zet tih sawiin R Lalthangliana chuan, "Faina hian hriselna a keng tel a, hrisel tur chuan mahnia hun insiam a ngai. Ram hmangaihna chuan hriselna leh faina a keng tel tur a ni," a ti a; faina hnatlangpui chuan rah duhawm tak a neih a beisei thu a sawi.

C Y M A p r e s i d e n t Lalngheta chuan, faina hnatlangpui chu a ṭum hnihna a nih thu sawiin, mahni in leh lo leh a vêl vawn fai a pawimawh thu a sawi a; bawlhhlawh paih danah fi mkhur tur te, lang leh lang loah fai leh thianghlim a pawimawhzia hre thar turin mipui a chah.

P H E d e p a r t m e n t l e h C Y M A c h u a n coordination committee dinin, tuihna humhalh leh faina leh thianghlimna lamah thawh dunna an nei a; 'Kan rama tuihna humhalh leh a awmsa t i h p u n ' t i h t hu p u i a neiin kum 2012 khan thawhdunna thuthlung an ziak tawh a, thuthlung chu kum 2017-ah ziah nawn a ni.