Zirna hi hnam changkang zawkte Kan el phâkna a ni - Dr K Beichhua

Eklavya Model Residential School (EMRS) State Level Sports Meet, 2022 chu nimin khan Saizahawla Tribal Art Centre, Tanhrilah ṭan a ni. Meet hawngtu Social Welfare minister Dr K Beichhua chuan, zirna chu Mizote'n hnam changkang zawkte an el phakna a nih thu a sawi.

EMRS Sports Week hawnna inkhawm hi Social Welfare director Zodingpuii'n a kaihruai a; Dr K Beichhua chuan, "Zirna hi keini hnam hnufual zawkte'n hnam ropui leh changkang zawkte kan el phâkna a ni.

Rilru leh taksa hrisel nei turin theihtawp chhuah a pawimawh," a ti.Minister chuan, EMRS naupangte chu sikulah an luhtir satliah a ni lo tih sawiin, "Nakina kan ram hruaitu atan kan chher mek a ni," a ti a; zirlaite chu theihtawp chhuaha lehkha zir turin a chah.

Mizorama Eklavya School-te hi Social Welfare & Tribal Affairs Department kaltlangin Social Welfare Minister kaihhruaina hnuaiah E M R S S o c i e t y - i n a enkawl mek a ; State EMRS Sports Meet 2022-ah hian Ngopa, Serchhip, Lunglei, Tipa, Chawngte leh Lawngtlaia EMRS-a zirlaite an tel a ni.