Kum 2022 chhungin ASF vangin Mizoramah vawk 11,153 thi tawh

Vawk pùl hri, African Swine Fever (ASF) avangin Mizoramah kumin chhungin November 7, 2022 thleng khan vawk 11,153 a thi tawh a, khua/veng 149-ah ASF a léng tih finfiah a ni tawh.

AH&Vety department hriatpuinain kuminah ASF vangin vawk 10,924 suat a ni tawh a, ASF kaihhnawiha kumina Mizorama vawk thi zawng zawng chu 22,077 a tling. November 7, 2022 thleng khan ASF lênna nia rinhlelh khua/veng 79 a awm mek a, chungah chuan vawk 968 a thi tawh bawk.

AH&Vety department chuan vawk thi neitute chu an khua/veng khawtlang hruaitute emaw, AH&Vety department hotute emaw hnenah emaw hriattir vat turin an ngen a ni.