Six Basic Needs buaipuitu awm chhun chu keini chauh kan ni - PC party

Peoples' Conference party chuan thuchhuah siamin, Brig. T Sailo 'Six Basic Needs' buaipuitu awm chhun chu PC party chauh an nih thu an tarlang a, Six Basic Needs sawitu party dangte lakah fimkhur turin mipui an chah.

PC party chuan, kum 2023 inthlanpui awm turah political party tinin an economic policy an tlangzarh tawh tih sawiin, "Brig. T Sailo hmathlir hrang hrangte zinga kan ram mamawh hnukpui ber Bairabi Hydel Project khuah chhunzawm tuma policy-a nei awm chhun chu PC party chauh kan ni," an ti.

Political party hruaitu pakhatin an policy tlangzarh tâka an telh loh Six Basic Needs leh Bairabi tuikhuah chungchang vei berah a insawi nia tarlangin PC party chuan, "PC party mi leh sa leh Zoram mipuite bum nana a hmanrua mai a ni," an ti a; an party-in ziaka an dah chin chauh sawi a, thu puarpawléng sawi tawh lo turin an chah.

PC party chuan, ram hruaitu lu ber nih tumin a awmna party policy neih mumal loh vangin PC party policy kumhlun a tuipui der nia sawiin, fi mkhur turin mipui an chah a ni.