KHAWTHLIR

Thisen pe
KṬP, Armed Veng Pastor Bial chuan nimin khan thisen pek huaihawtin, Synod Hospital tan thisen unit 37 an pe a, petute mipa 32 leh hmeichhia panga an ni.

Phár pali an awm
Economics & Statistics department-in tun hnaia Mizoram Statistical Abstract 2021 an tihchhuaha a lan danin, kum 2020-21 dinhmun angin, Mizoramah phár (leprosy) mi pali an awm. Mizorama phár awmte chu Aizawl district-ah mi pahnih leh, Lunglei leh Lawngtlai district-ah mi pakhat ve ve an ni.

Kawng khâr dawn
PWD chuan vawiin aṭanga November 23, 2022 thlengin Zarkawt aṭanga Dawrpui Vengthar panna kawng leh Dawrpui Vengthar aṭanga Joint
YMA Field, Vaivakawn panna kawng inkar an thawm ṭha dawn a; hei vang hian hna thawh chhungin kawngpui khâr a nih dawn thu Traffi c SP
Rodingliana Chawngthu chuan a tarlang.

YMA jubilee lawm
North Hlimen Branch YMA chuan nimin khan an kum 75-na, platinum jubilee an lawm a, Serlui bialtu MLA Lalrinsanga Ralte-in a hmanpui.
Lalrinsanga chuan, YMA chu pi leh pu hun aṭanga tlawmngai pawl, chhiatni ṭhatnía khawtlang innghahna, pawl huap zau leh zahawm, ramri nei ve lo, Zo fate khai khawmtu pawl ropui a nih thu a sawi. Jubilee lawm nan khawtlang huapin ruai an ṭheh a ni.

Library hawng
Art & Culture director R Hmingthanzuala chuan November 7,  awhṭanni khan Tlangnuam Vengtharah YMA Library a hawng. Library hi
Raja Ram Mohan Roy Library Foundation Building Grant Rs 6,00,000 aṭanga sak a ni a; Mizoram State Library librarian Zirsangzuali bakah, Mizoram Library Association leh Tlangnuam Vengthar khawtlang hruaitute an tel.

Kum 70-na lawm
Aizawla Luangmual Branch YMA chuan nimin khan an YMA Hall-ah kum 70 an tlin an lawm a, minister Dr R Lalthangliana leh Central YMA president R Lalngheta ten anhmanpui. Report-a a lan danin, Luangmual Branch YMA hi pawl anga Civil Hospital Aizawla thisen pe hmasa ber an ni a; September 22-24, 1994 khan Civil Hospital, Aizawlah thisen unit 33 an pe a ni.