Oil palm tihhmasawn dan tur sawiho

Chief minister Lal Thanhawla leh Commi­ssion for Agticultural Cost & Prices (CACP) chairman Prof. Vijaya Paul Sharma leh Ministry of Agriculture & Farmers' Welfare joint secretary (Oil Seeds) Dr B Rajinder te chu Inrinni khan CM banglaah an inkâwm a; Mizorama oil palm tih­hmasawn dan tur an sawi.

Inkawmnaah hian Mizorama oil palm chíng­tute mamawh hrang hrang leh oil palm hmun aṭanga a sàwrna (mill) pan­na kawng siamṭhat chungchangte an sawiho a; sorkar laipuia hotute chuan, an ṭangkaina tur leh an bawhzui theih chinah theihtawpa ṭan lak an tum thu Chief Minister an hrilh a ni.

Inkawmhonaah hian Agriculture secretary Lal­hmingthanga leh Agricul­ture director (Crop Husbandry) J Lalzamliama te pawh an tel a ni.