Khawpui pathumah two wheeler rally

Central KṬP bultumin ruihhlo leh mipat hmeichhiat hman khaw lohna laka fihlimna tur leh HIV/AIDS darh zel tur venna atana inzirtirna atan November 11, Inrinni khan dis­trict headquarters pathum - Champhai, Kolasib leh Mamit-ahte Two Wheeler Rally buatsaih a ni a, mi ṭhahnem tak an tel.

Two Wheeler Rally hi Champhaiah chuan two wheeler 200 vel an tel a, chawhma dar 11-ah New Cham­phai khel­mualah a hawnna inkhawm hman niin, Hospital Veng Kawipui khel­mualah a khârna hun hman a ni a; a kar lakah Bethel Veng kâwn leh DK Traffic Point-ah thusawina hun hman a ni.

Kolasib-ah chuan Khuang­puilama petrol pump-ah bul ṭan niin, Diakkawn thleng kawng zawh a ni a; Mamitah chuan Luang­pawl helipad aṭanga DC Com­plex bul Mangkhawngdai khel­mual thleng kawng zawh a ni.

Khawpui pathuma Two Wheeler Rally-ah hian ruihhlo leh mipat hmeichhiatna laka fihlîm tur leh invenna atana pawi­mawh te, HIV/AIDS laka inven dan tur leh a dona atana tih tur leh tih loh turte inzirtir a ni.

Two Wheeler Rally hi No­vember 4, 2017 khan Serchhip, Lunglei, Lawngtlai leh Siaha-ahte neih a lo ni tawh a, November 25-ah Aizawlah neih ve leh a ni ang.