Ruihhlo man sa tichhia
Tuikual North Branch YMA hnuaia Kumpuan Committee-in kumina ruihhlo chi hrang hrang an man tawh, cheng nuai khat man chu November 11, Inrinni zing khan an tichhia a; ruihhlo tihchhiatna hun hi Central YMA president Vanlalruata'n a hmanpui.
Tuikual North YMA-in ruihhlo an tihchhiatte chu - rakzu litre 40 leh fûn 484, Sap zu ûm 24 leh a chanve, ganja fûn 5, heroin cane 13, Alprozolam tlêp (strip) 15, beer can 3 leh denrite bûr khat a ni. Ruihhlo man kaihhnawihah mi 301 an man a; chu'ng zinga mi 12 chu camp-ah dahniin, mi pariat chu police-ah an hlan a, ruihlo vangin chhungkaw 13 chu Tuikual North chhuahsan tura hriattir an ni bawk.