Naktukah Assembly session

Mizoram Assembly thlasik ṭhutkhawm chu naktuk Thawhlehni hian ṭan a ni dawn a, chawhma dar 10:30-ah inkhawm ṭan ṭhin a ni ang. Session hian ni thum a awh dawn a, session ṭan ní-ah session hnuhnung ber leh tun session inkara MLA hlui thi pahnih Zakhu Hlychho leh F Lalzuala te sûnna hun hman a ni ang.

Assembly winter se­ssion atan hian House-a chhan chi zawhna (starred question) lut zinga 106 pawm a ni a, ziaka chhan chi zawhna (unstarred question) paruk leh sorkar bill pahnih pawm a ni tawh. Bill lut tawhte hi The Mizoram Co­operative Societies Amend­ment Bill, 2017 leh The Mizoram Urban Areas Rent Control Bill, 2017-te a ni.