MST bus tlan ṭan dawn
Transport department chuan November 15, Nilaini aṭangin Mímbung, Kàwlbêm, Teikhang, Vaitin, Zohmun leh Marpara-ahte Mizoram State Transport (MST) bus a tlantir ṭan dawn.
Transport department hriattirna chhuahin a tarlan danin, Mimbung kal tur MST bus chu Nilaini leh Inrinni apiangin Aizawl aṭangin zing dar 6-ah an chhuak ang a, Kawlbem pan tur chu Aizawl aṭangin Thawh-
ṭanni leh Ningani apiangin zing dar 6-ah an chhuak ang. Teikhang kal tur chu Thawhlehni apiangin zing dar 6-ah, Vaitin kal tur leh Zohmun kal turte chu Inrinni apiangin zing dar 6-ah leh Marpara kal tur chu Thawhlehni, Ningani leh Inrinni apiangin zing dar 6-ah Aizawl aṭangin an chhuak dawn a ni.
MST bus-te hi Aizawl aṭanga an chhuah tûkah zel an tlânna khua aṭangin Aizawlah an let leh ṭhin dawn a, Inrinnia chhuak erawh chu a kar leh Thawhṭanniah an let ang.