KHAWTHLIR

MPSC Chairman Rev Zosangliana
ColneyMizoram Police Service Commission (MPSC) member nilai Rev. Zosangliana Colney chu MPSC chairman atan ruat a ni a, nimin khan Chief secretary Lalmalsawma chuan nimin khan notification a tichhuak. Nimin vek khan MPSC member atana V Lalremthanga ruat a nihna order chu Chief Secretary hian a ti chhuak a ni.

Tractor hlan
Nimin khan Champhai DAO office-ah lo neitu intêl khawm, custom hiring centre paruk thlan tharte hnenah Champhai DAO James Vanlalluaia'n tractor pakhat ṭheuh a hlan. Champhai district-ah hian custom hiring centre 14 hnenah tractor pek tawh a ni a, tractor pakhat manah sorkarin cheng nuai 9.5 a tumsak a, a bak 5% vel chu lo neitute'n an tum thung.

Mawhphurhna hlan
Congress party ṭhalai, MPYCC hruaitu atana MPCC president Lal Thanhawla'n a ruat tharte chuan nimin khan mawhphurhna an la ṭan a, Congress Bhavan-ah charge inhlanna hun hman a ni. MPYCC president thar Dr Lalmalsawma chuan, “Kan hotute'n kan chunga rinna an nghat hi tihthlawn kan tum lo,” a ti. Dr Lalmalsawma hian Vanlalawmpuii Chawngthu, MLA a thlak a ni.

Thlanmual tifai
Swatch Bharat Campaign denchhenin 1st. Bn. MAP Commandant, police leh 1st. Bn. MAP Football Academy zirlaite chuan November 11, Inrinni khan Dawrpui thlanmual an tifai a, Dawrpui Thlanmual Committee-te'n an ṭawiawm. Hnatlanga thawk chhuakte hian bawlhhlawh 407(truck) phur thum leh pick-up phur khat an paih a ni.