Power & Electricity JE suspend a ni

November 3, 2022 tlaia Lawngtlai AOC Venga electric line a siam laia electric current-in a man avanga thihna thleng kaihhnawihah nimin khan Lawngtlaia Power & Electricity Sub-Division-a junior engineer (contract) Lalfakzuala chawlhtir (suspend) a ni.

November 3 tlai dar 4 vel khan P& E department-a lineman (muster roll) Francis Rochungnunga (30) s/o Chhiahkama (L), Lawngtlai College Veng (Cheuràl) chu AOC Venga electric line siama electric bana a làwn laiin kawlphethain a man a, a thi a ni.

Francis Rochung­nunga thihna kaih­hnawihah hian Lawngtlaia PE department SDO Lalnghakliani chu Novem­ber 4, 2022 khan suspend a lo ni tawh bawk.