MFASA-in inkhawmpui an hmang

Mizoram Finance & Accounts Service Association (MFASA) chuan nimin khan Aijal Club-ah General Conference vawi 27-na an hmang a, minister Dr R Lalthangliana'n a hmanpui.

Conference hawnna inkhawm hi MFASA vice president Ramchuana'n a kaihruai a; Dr R Lalthangliana chuan, Finance department chu Mizoram sorkar department zinga pawimawh ber leh mawhphurna sang ber nei, department dang zawng zawngte khaikhawmtu a ni tih sawiin, theihtawp chhuaha hma la turin MFAS officer-te a chah.

Dr R Lalthangliana chuan, MFAS-te chu Mizoram budget leh sum dang enkawltu an nih avangin ṭha taka office kal turin a chah a, "Aikal lâk rem lo ber department in nih avangin hriselna ngai pawimawhin, ram leh hnam tan thawk zel ang che u," a ti a; Covid-19 hluar laia Finance department-a thawkte inpekna chu entawn tlak a tih thu a sawi bawk.

MFASA inkhawmpuiah hian an president Vanlalsawma'n kumina MFAS atana lak tharte lawm luhna hun a hmang a, secretary C Lungmuanpuia'n report a pe. An rorel zingah RBI-a training neih, sorkar hnathawk pension scheme leh leave travel concession chungchangte a tel a; kum 2022-23 chhunga pawl office bearer turte an thlan bawk a ni.