SEC-in Zemabawk LC sawifiah

Mizoram State Election Commission chuan Zemabawk local council inthlan chungchangah nimin khan thuchhuah a siam a, inthlan buatsaih turin hmalak mek a nih thu a tarlang.

SEC chuan, Zemabawk LC ṭhiah leh inthlan chung­changah social media-ah thu lêngvâk a tam thu a tarlang a, "Zemabawk LC chu Aizawl Municipal Corporation Notification No. M.33025/1/2010-AMC, dt:16th August, 2022 angin ṭhiah (dissolved) a ni. Local council ṭhiah (dissolved) a nih chuan LC thar din leh tura inthlanna hi Mizoram Municipalities Rule 37(b)(3)-in a sawi angin thla ruk ral hma a neih tur a ni," a ti.

Ṭhiah ni loa LC-ah seat ruak a awm chuan, seat ruak hnawhkhat tura inthlanna chu Rule 17(2) angin ni 60 ral hmaa neih tur a ni tih a tarlang bawk.