Champhai district-ah thla 20 chhungin nungcha chi hrang hrang 723 man a ni

Dan loa ramri kaltlanga nungcha tawlhrûk chungchang nimin khan Champhai District Forest Officer pisaah sawiho a ni. January 2021 aṭanga October 2022 thlengin Champhai district-ah dan loa nungcha tawlh rûk ṭum sarih man tawhah nungcha (species) hrang hrang 723 man a ni a, thubuai ziah luh vek a ni tih tarlan a ni.

Ṭhutkhawmah hian, Convention on International Trade in Endangered Species (CITES) hnuaia tarlan nungcha tawlh rûk mante chu Mizoram bikah sahuan a tâwt tawh avangin Chief Wildlife Warden beráwn chungin hmalak zel dan tur Wildlife Crime Control Bureau-ah thlen an rêl a, WCCB-in hma lo la se, an ti.

Mizoram EFCC department-in sorkar laipuia nungcha tawlh rûk mante enkawl lailâwkna tur Animal Rescue & Rehabilitation Centre din a nih theihna tura rawtna a thlen chu a ṭul anga bawhzuipui an tum thu WCCB hotute chuan an sawi a; District Crime Control sub-unit chu kokim thei ang bera joint patrolling tam zawk nei turin an chah a ni.

Ramri dep state-te nen zau zawka inràwnkhawmna neih a ṭul thu te, Wildlife Protection Act, 1972 siamṭhat a nih hnuah chuan ram dang aṭanga nungcha tawlh rutu mante na zawka hrem theih a nih tawh dawn thute tarlan a ni bawk.