YMA CCC-in rorel bawhzui dan tur an rél

YMA hnuaia rorelna sâng ber dawttu, Central Coordination Committee (CCC) chu nimin khan Central YMA Hall-ah an ṭhukhawm a, October 27, 2022-a YMA Rorela an thurelte bawhzui dan tur an ngaihtuah.

Ṭhutkhawmah hian YMA khawih hmalâkna tur 10 leh sorkar khawih hmalâkna tur pali an ngaihtuah a; an rorelte chu YMA Central Execu­tive Committee bawhzui turin an dah.

CYMA hmalakna tur ṭhenkhatte chu, eirûkna leh hlemhlêtna a reh theihna atan chak zawka hmalak te, hnam dang hnena in hmun/ huan/ lo ram lei leh hralh/ hlan chhâwn a nih zel lohna tura hmalak te, land reform kalpui chungchang leh Mizorama sorkar damdawi-inte hmanraw ṭha zawk leh thawktu tam zawka thuam chung­changte a ni.

CCC-ah hian CYMA office bearer, CEC member, sub-head­quarters aiawh mi paruk, group aiawh mi pahnih leh Aizawla branch aiawh mi pakhat ṭheuh member an ni.