MGNREGA job card 2,13,348 pe tawh

MGNREGS State Employment Guarantee Council chu an chairman Lalruatkima, Rural Development minister hoin nimin khan Secretariat conference hall-ah an ṭhukhawm.

MGNREGA hnuaiah job card 2,13,348 pek chhuah a ni a, chu'ng zinga 99.53% chu job card nung a nih thu tarlan a ni.Ṭhutkhawmah hian Mizorama ni 100 inhlawhna kalpui dan, harsatna, hmachhawp leh hmasawn dante thlirho a ni a; Draft Mizoram MGNREGA Personnel (Recruitment and Condition of Contract Guidelines) MGNREGS Employtee-te one-time increment te, vantlang/khawtlangin an chhawr ṭangkai tur community assets siamna atana material component inhman ṭâwm dante thlirho a ni bawk.

Tarlan danin, MGNREGA hnuaiah job card 2,13,348 pek chhuah a ni tawh a, chu'ng zinga 99.53% chu a nung mek. Geo-MGNREGA (Bhuvan), hnathawh zawh aṭanga asset geo-tagged 96.82% a ni a, Mizoram chu India rama geo-tagging ti ṭha ber a ni.

Kumin April 24-a Prime Minister-in Mission Amrit Sarovar a hawn chu MGNREGA nen thlun zawm a ni a, mission hnuaiah 62.5% thawh a ni tawh. District hrang hrangah ruahtui khawl, tuihna humhalh leh tui lâkna turte siam a ni bawk.

RD minister Lalruatkima chuan, Mizoram sorkarin MGNREGA hlawhtlinna turin nasa takin hma a la nia sawiin, "Ni 100 inhlawhna hi thingtlanga
lo nei mite chhawmdawltu a nih bakah, hmun hrang h r a n g a r a m l e i l u n g humhim, tuihna humhalh leh tui lâkna siamna hmanraw ṭha tak a ni," a ti a; sorkar laipuiin sum a pek aṭangin ni 80-85 inhlawhna a awm tawh thu a sawi.