Bike chesualah mi 3 an thi

Nimin tlai dar 3 vel khan Champhai leilet kawngpuiah bike a chesual a, bike-ah hian mi pathum chuangin, an vaiin an thi.

Champhai aṭanga Vanglaini thu dawn danin, New Champhai aṭanga Zotlang lam pana tlan mi pathum chuanna bike chu Ramhrang kâwn thlen hma kawng ngil tàwpa kawng kual laiah kual zo loin culvert-ah an tlan lut a ni.

Chetsualna hmunah Andrew Kapkhankima, New Champhai leh Vungsiantuanga, Khuangphah an thi a, Laldingliana, New Champhai chu damdawi-in panpui a nih hnuah a hliam tuar loin a thi ve leh bawk. An pathum hian kum tling lo vek an ni.

Vungsiantuanga ruang chu damdawi-ina endik a nih hnuah an khua panpui a ni a, New Champhai mi pahnih ruang erawh chu vawiinah endik a ni ang.