Street Vending Plan buaipui mek

Aizawl Municipal Corporation deputy mayor R Thanglura, AMC-a Vending lam changtu ni bawk leh AMC-a thawktute chuan nimin khan Aizawla street vendor-te awmna hmun an tlawh kual a; veng hrang hranga kawngpui sir hmun remchang laia inzuar (street vendor)-te ṭhutna tur hmun an enfiah.

Aizawl deputy mayor R Thanglura chuan, street vendor-te kaihhruaina mumal an la nei lo tih sawiin, "District dangah zawh a nih tawh a, Aizawlah pawh tihfel thuai tum a ni. Plan mumal tak siamin vendor-te kaihhruaina mumal tak neih thuai kan tum," a ti a; street vendor-te leh mipui tana him lo chin tihbo leh licence nei lo tam tak awmte tihbo an tum thu a sawi.

AMC hian Street Vending Plan an buaipui mek a, tunkar chhungin peih hman beisei a ni. Street Vending Plan hnuaia Aizawl veng hrang hranga street vendor-te ṭhutna tur hmun remchang enfiahin corporator-te leh local council hotute an kal kual tawh a ni.

AMC hian November 1, 2022 aṭang khan Street Vending Plan a kalpui a, vending zone leh restricted zone-te an siam a; Mizoram sorkarin notifi cation a la chhuah dawn a ni.