CYMA leh PWD-in thawhhona thuthlung sawiho

Nimin khan Central YMA leh PWD-te chuan Cultural Centre, Bawngkawn South-ah thawhhona thuthlung (MoU) an neih chungchang an sawiho.

Sawihona hun hi chawhma lamah PWD E-in-C Bowman-a'n kaihruaiin, chawhnu lam chu CYMA president R Lalngheta'n a kaihruai thung. Zawhna leh chhanna hun hman a ni a, Sub Hqrs. leh Group YMA hruaituten an huamchhunga inkalpawhna kawnga harsatna hrang hrang an tawh dante sawiin, hmalak mekna leh hma lak tum a nih leh nih lohte an zawt a ni.

YMA lamin zawhna an neihte chu PWD E-in-C leh bialtu SDO-ten an chhâng ṭhin a ni. CYMA leh PWD-te hi thawhhona thuthlung angin Mizoram chhunga khuate inkalpawhna tur kawng siam leh thawmṭhat kawngah te, a siamtute tana harsatna awm thei sutkian dan tur kawngahte leh kawng siam vil kawngahte kawng hrang hrangin an thawkho a ni.