Hripui vei enkawl lai an tlem tial tial

November 9, Nilaini khan Mizoramah Covid-19 vei mi panga hmuh chhuah a ni a, nimin khan hripui vei dam tawh mi 10 an chhuak a, thi an awm lo. Nimin tlai khan Covid-19 positive mi 31 an awm a, an tlem tial tial.

IDSP aṭanga thu dawn danin, Nilainia Covid-19 positive hmuh chhuahte chu Saitual district-a mi pathum leh Aizawl leh Lunglei district-a mi pakhat ve ve an ni a; swab samples 118 endik niin, positivity rate chu 4.24% a ni.

Mizoramah swab sample 19,89,697 endik tawh niin, Covid-19 vei 2,38,888 hmuh chhuah a ni tawh a, a pumpuia positivity rate 12.01% a ni. Nimin tlai dar 3 thlengin mi 2,38,131 (99.68%) chhuahtir an ni tawh a, mi 726 (0.30%) thi tawhin, enkawl mek mi 31 (0.02%) an awm.

Ni m i n t l a i d i n h m u n a n g i n , Mizorama district 11 zinga pali - Aizawl, Lunglei, Mamit leh Saitual district-ahte chiah hripui vei an awm a; district dang pasarih - Siaha, Champhai, Kolasib, Serchhip, Lawngtlai, Khawzawl leh Hnahthial district-ahte an awm tawh rih lo a ni.