Buhfai ṭha zawk ngaihtuah tiam

Eptu MLA-te'n nimin Assembly session-ah buhfai supply a chhiat thu an sawi chungchangah Cooperation minister Vanlalawmpuii Chawngthu chuan, buhfai grade ṭha zawk ngaihtuah a nih tur thu House a hrilh.

MNF member Lalruatkima zawhna chhangin Vanlalawmpuii chuan, MIZOFED-in Mizoram sorkarah August 8, 2016 aṭangin buhfai an supply ṭan tih a sawi a, "Kg. khat Rs. 25-in quintal 5,53,00 leh kg. khat Rs. 27.50-in quintal 40,000 an supply tawh. Buhfai leina atan hian Rs. 14,80,64,000 hman a ni tawh a, tun dinhmunah supplier pawisa MIZOFED-in bat a nei lo," a ti.

Cooperation Minister sawi danin, buhfai hi supplier pali hnen aṭanga lei a ni a, quintal khat Rs. 2,480-in quintal 5,53,000 leh quintal khat Rs. 2,730-in quintal 40,000 lei tawh a ni.