Lemziak hmanga inelna khâr
Ministry of Power hnuaia Bureau of Energy Efficiency, Mizoram sorkar leh North Eastern Electric Power Corporation (NEEPCO) ṭangkawpin an buatsaih, State Level Painting Competition on Energy Conserva-
tion 2017 chu nimin khan Chaltlang YMA Hall-ah khâr a ni a, Power & Electricity secretary H Lalengmawia'n a hmanpui.
H Lalengmawia chuan, Painting Competition on Energy Conservation neih a ni chu naupangte theihna (talent) hai chhuahna atan leh energy renchemna kawnga zirtirna hmanraw ṭangkai tak a nih thu a sawi a; naupangte chu kawlphetha renchem tura inzirtirnaah mite zirtirtu (campaigner) ni vek turin a sáwm.
Ni zung chakna, solar energy dek chhuak tur leh hmang ṭangkai turin nasa taka hmalak a ṭul thu sawiin P&E Secretary chuan, "Chhung tinin kawlphetha kan hman danah a hek lo zawng leh kan hmanraw hmante pawh energy tihek lo chi hman uar a ṭul a ni," a ti.
State Level Painting Competition on Energy Conservation 2017 hi category A leh B-ah ṭhen a ni a; category A hi pawl 4-6 zirlaite tana neih niin, pakhatna chu Lalmuankimi, St. Maria Goretti School, Kolasib a ni. Category-B chu pawl 7-9 zirlaite tan buatsaih a ni a, pakhatna chu Samuel Lallawmzuala, Presbyterian English School, Kawlkulh a ni.