H/S headmaster training buatsaih ṭan

RMSA leh Administrative Training Institute (ATI) chuan nimin khan ATI Auditorium-ah high school headmaster-te pualin training an buatsaih ṭan a, School Education director K Lal­thawmmawia’n a hawng.

K Lalthawmmawia chuan, sikul naupangte chu exam-a pass ṭha ringawt tur ni loin, an zirlai thiamna tak tak neih­tir ngai pawimawh turin headmaster-te a chah a, "Naupangte'n sorkar sikul an bawh lo hi a thawktute tan inenfiah a ngai a. Zirna siamṭhat nan primary school aṭanga higher secondary school-a thawkte ṭan rual a ngai a ni," a ti.

H/S headmaster training-ah hian ATI faculty, Mizoram University, SCERT, IASE leh Disaster Management & Rehabilitation department-a mithiamte'n thil pawimawhte an zirtir dawn a; Mizoram district tina sorkar H/S, adhoc sided school leh RMSA school-a headmaster-te telin, November 24, 2017 thleng neih a ni ang.