Durtlang LC bye-election hun puang

State Election Commission (SEC) chuan Durtlang Local Council bye-election neih hun tur a puang a; December 8, 2017-ah ballot box hmangin vote thlak a ni ang. Nimin aṭang khan Durtlang LC constituency huam chhungah Model Code of Conduct hman ṭan nghal a ni.

SEC-in hriattir a chhuah danin, Durtlang LC bye-election neih chhan tur hi member pakhat a thih vanga a hmun ruak hnawhkhahna tur a ni a; bye-election-a hman tur electoral roll pawh tihchhuah a ni tawh. Aizawl DC chu Election Officer atan ruat a ni a, Aizawl district Election Officer chu Assistant Election Officer atan ruat a ni.

Durtlang LC bye-election atan hian November 20 thleng hming pek luh theih a ni dawn a; December 8, 2017 zing dar 7 leh tlai dar 4 inkarah vote thlak tur niin, vote thlak zawhah vote chhiar nghal a ni ang.