Infiamna hi ruihhlo dona hmanraw pawimawh tak a ni - Lalduhoma

ZPM leader Lalduhoma chuan, nasa takin ruihhlo do a ngaih thu sawiin, infiamna chu ruihhlo dona hmanraw pawimawh tak a nih thu a sawi.

YMA Sub-Head-quarter, Serchhip buatsaih Inter Branch YMA Football Tournament, 2022 khârna nimina Serchhip Mini Complex Field-a a hmanpuinaah thu sawiin Lalduhoma chuan, ruihhlo vangin Mizo ram leh hnam a hmelhem tih sawiin, "Ruihhlo hi bo se la chu ram changkang tak kan nih tawh ka ring. Ruihhlo hi nasa taka do a ngai a, chu'ng zinga hmanraw pawimawh tak chu sport a ni," a ti.

Tournament-ah hian Serchhip Sub-Hqrs YMA chhunga YMA branch 32 an tel a, final-ah Serchhip Vengchung Branch leh Chhingchhip Venghlun Branch intumin, Serchhip Vengchung an champion a ni.