Mizoram humhalh ngam loah PC-in MNF hruai sorkar an puh

Peoples' Conference party president Vanlalruata chuan, MNF hruai Mizoram sorkar chu Mizoram humhalh ngam loah puhin, an dem thu a sawi.

Vanlalruata hian nimina PC office bearer-te an pisaa an ṭhutkhawmah thu sawiin, ''Tun hnaiah Mizoram chhung Vairengte chhehvela ram leilung neitu Mizote hnena Assam sorkarin zagnnadawmna sum eng emaw zat a pe nia thuthang awm hi pawi kan tiin kan hre thiam lo hle. Mizoram chhunga Assam rawn chêt dan hi Mizoram sorkar hian a hai der lui tlat niin kan ngai," a ti.

Assam sorkarin Mizoram leilung chhunga intineitu taka zangnadawmna a sem chuan Mizoram sorkar an hlauh lohzia leh pawisaklohzia an tilang chiang hle tih sawiin Vanlalruata chuan, "Hetianga mahni ram chhunga ṭhenawm state rawn sapatâl dodal ngam lo leh Mizoram chhunga Assam sorkar chêt dan Mizoram sorkarin a hai der lui tlat hi dawihzepthlâk kan ti hle," a ti a; MNF sorkar chu a rang thei ang bera ram humhalha che turin an phût a ni.