Covid-19 vei enkawl lai mi 48 an awm

November 10, Ningani khan Mizoramah Covid-19 vei mi 21 hmuh chhuah a ni a, nimin khan hripui vei dam tawh mi pali an chhuak a, thi an awm lo. Nimin tlai khan Covid-19 positive mi 48 an awm a, an pung leh hret.

IDSP aṭanga thu dawn danin, Ningania Covid-19 positive hmuh chhuah dan chu - Mamit district-ah mi 17, Saitual district-a mi pahnih leh, Aizawl leh Lunglei district-a mi pakhat ve ve an ni a; swab samples 197 endik niin, positivity rate chu 10.66% a tling.

Mizoramah swab sample 19,89,894 endik tawh niin, Covid-19 vei 2,38,909 hmuh chhuah a ni tawh a, a pumpuia positivity rate 12.01% a ni. Nimin tlai dar 3 thlengin mi 2,38,135 (99.68%) chhuahtir an ni tawh a, mi 726 (0.30%) thi tawhin, enkawl mek mi 48 (0.02%) an awm.

Nimin tlai dinhmun angin, Mizorama district 11 zinga pasarih - Siaha, Champhai, Kolasib, Serchhip, Lawngtlai, Khawzawl leh Hnahthial district-ahte Covid-19 positive an awm tawh rih lo a; positive awm tamna ber Mamit district-ah mi 19 an awm a ni.