Aizawla taxi awm zinga A zatve hi a tawk - CM

MPC member Lalthan­liana zawhna, Transport Minister a awm loh vanga a aiawha chhangtu chief minister Lal Thanhawla chuan, Aizawla taxi awm mek zinga a chanve vel chiah awm se Aizawl khaw­pui tan a tâwk tur thu a sawi.

Chief Minister chuan, transport lirtheite chu mipui awm zat aṭanga chhûta permit pek chhuah ṭhin a nih thu sawiin, "Aizawla taxi awm pawh hi a zatve vel hi awm se a tawk chiah. Two wheeler taxi permit pawh pek belh zel tur leh tur loh population aṭanga chhût turin a concern department-te ka hrilh tawh," a ti.

Lal Thanhawla sawi dan­in, two wheeler taxi permit hi November 6, 2017 thleng khan sorkarin 398 a pe chhuak tawh a; permit pek chhuah belh leh belh loh chu sorkarin a ṭul dan azirin a ngaihtuah dawn a ni.