MZP-in MZU VC leh MPSC-ah lawmthu an sawi

MZP chuan thu­chhuah siamin, Mizoram University (MZU) in hun rei tak chhung Vice Chancellor a neih loh hnua a nei tharte leh Mizoram Public Service Commission (MPSC)-in Chairman leh member a nei thar chu lawmawm an tih thu an tarlang.

MZP chuan tun hnai a MZU Student Council hruaitute huaihawta zirlaiten Vice Chancelor ngiata an nawrna kalzelah a hlawhtlinna an hmu ta nia tarlangin, "MZU vice chancellor thar prof. KRS Sambasiva Rao hi thinlung takin kan lo lawm a, MZU hnuaia zirlai zawng zawngte tan theihtawp chhuah a rahbi thar kaipui ngei turin leh tun aia nasa zawka university-in hma a lo sawn kan beisei," an ti.

MZU-in Vice Chancellor nghet kan neih theih nan nasa takin hma an lo lak tawh ṭhin thu tarlangin MZP chuan, MZU in Vice Chancellor kan neih theihna tura tha leh zung seng tu zawng zawngte chungah lawm­thu an sawi.

MZP chuan Mizoram sorkar-in Mizoram Public Service Commission(MPSC) member kan neih mumal loh zia hria a, Chairman leh member thar pahnih a ruat fel ta chu lawmawm an tih thu tarlangin, "Sorkarin a rin tawk anga Chairman leh member te pawn MPSC hnuaia hnalak reng reng­ah dik tak leh felfai taka la turin leh Mizo ṭhalai hna zawng mek te tan in­nghahna leh rin ngam a nih a, a thiam leh tling chiah la zel turin kan beisei a ni," an ti.