MZU VC thar lo thleng

Mizoram University (MZU) vice chancellor atana ruat thar, Prof. Krothapalli Raja Surya Sambasiva Rao chuan nimin khan Aizawl a lo thleng a, vawiinah a hna thar a zawm dawn.

Prof. KRS Sambasiva Rao hian Aizawl a lo thlen hian MZU campus-a Vice Chancellor quarters-ah a lut nghal a, MZU VC mawhphurhna chelh mektu Prof. Lianzela leh MZU hotu dangte'n an lo dawngsawng a ni.

Prof. KRS Sambasiva Rao hian vawi­inah a hna thar a zawm dawn a; chhun dar 12-ah amah lawmna inkhawm neih a ni ang a, chawhnu dar 1:30-ah thuthar thehdarhtute a kawm ang.