MADC session tan a ni

Mara Autonomous District Council (MADC) thlasik thutkhawm, ni thum chhung awh tur chu nimin khan Siahaa MADC Hall-ah ṭan a ni.

MADC session hi chairman H Shahlo-a'n a kaihruai a, member hlui thi ta Zakhu Hlychho, MADC-a chief executive member hmasa ber leh member hlui dang HC Ngony te sûnna hun hman a ni a; zawhna leh chhanna hun hman a ni bawk.

Tun ṭum MADC session-ah hian starred question 34 leh unstarred question paruk a lut a; private resolution pahnih leh official bill pakhat a lut bawk. Session hi November 17-ah zawh a ni ang.