Dr Thangtea hoin Delhi-ah HIV/AIDS sawiho

Nimin khan Health minister Dr R Lalthangliana hoin Delhi Mizoram House honference hall-ah Mizoram Health department leh AIDS Healthcare Foundation (AHF), Los Angeles, USA-ten kumin September 27, 2022 a thawhhona thuthlung an ziah bawhzuiin HIV/AID chungchang an sawiho.

Meeting-ah hian Mizoramah HIV/AIDS a darh zau tawhzia leh mipui vantlangah a darh nasat tawhziate sawilan niin, HIV/AIDS do zel dan tur leh mipui vantlangah tam zawka test kalpui theih dan tur leh NGO hrang hrang leh school leh college-te nena thawhho theih dan turte sawiho a ni.

Raipuar HIV positive-te enkawl dan tur chungchangah Health department leh AHF-te chuan sawihoin, thawhho theih ngei an inbeisei a ni.

AHF-te chuan Girls Act lama an hmalak dan chanchinte sawifiahin, hmeichhe naupangte HIV laka an him dan tur leh hriselna leh zirna lama an changkan zel theih nana hmalak dan tur sawiho nghal a ni.

AHF aṭangin Policy & Marketing chief of global advocacy Terri Ford, chief financial officer Lyle Honig, AHF & Bureau Chief India Dr Sam Prasad-te an tel.

Health Minister hi NHM Mission director Dr Eric Zomawia, Health dy. director Dr Lily Chhakchhuak, ZMC registrar Dr Jane Ralte leh ZMC-a assistant professor Dr Sangzualaten an ṭawiawm.