LESDE Minister hoin PUM-2022 khar a ni

Labour, Employment, Skill Development & Entrepreneurship (LESDE) minister Lalchhandama Ralte chuan November 11, Zirtawpni khan Industrial Training Institute Campus-ah LESDE buatsaih PÛM-2022, Innovation Competition & Exhibition Fair kharna hun a hmanpui.

LESDE Minister chuan, kut themthiamna leh mahni thiam thil hmanga eizawnna kawng zawh tumte tan LESDE department chu engtik lai pawha a in hawn reng thu a sawi.

Lalchhandama Ralte chuan, Covid buai vanglai pawhin hna ṭhulh loin kut hnathawktute hnenah Welfare Board kaltlanga ṭanpuina sem a nih thu a sawi a, "Khawvel ram changkangte chu kut themthiamna lama sang an ni zel angin India ram pawhin helam kawngah hian ke a pen nasa a, Mizorama ITI-a zirlaite pawh sorkar hna ringawta innghat loin kut themthiamna chu eizawnna tlakin hmang ṭangkai ang che u," a ti.

Innovation Fair-ah hian engineering category-ah mi 25 leh non-engineering category-ah mi 39 bakah, sawmbik mi 11 an tel a; intihsiakna hi ni thum chhung neih niin, exhibition fair hi mipui tlawh theih turin ni hnih hawn a ni a, tlawhtu mi 1,864 an awm.

ITI zirlai zinga tiṭha ber atan COPA Trade (2022 Batch), Govt. ITI, Aizawl, Web application thlan a ni a, People's Choice Award chu Electronic & Telecommunication Eng., Women Polytechnic leh Baker & Confectionery, Govt. ITI Aiawl-in dawngin, R Ramhmangaiha (Hnam Chhantu) hnenah Lifetime Achievement Award hlan a ni.

LAWMMAN DAWNGTUTE DANGTE :
Engineering category -
1. Lalṭhafela, Kawnpui, Fitter (Kuhva Thelna)
2. Zochhuanmawia, ITI Veng, Electrical & Electronics (Auto Connector/Disconnector)
3. PC Lalawmpuia, Hnahlan, Electronics (Non-Contact AC Line Tester)
Non-engineering category
1. Stephen Lalchawiliana, Lawngtlai,Surface Ornamentation Technique
2. Vanlalbiakdiki, Sihhmui, Footwear Making
3. Lalbiakdika, Chawngtlangpui, Food Production (General)

Mizoram Skills & Entrepreneurship Award
District Lawmman dawngtute
Aizawl C Lalpekliana, Woodland Construction
Lunglei JH Lalramzauva, RZ Construction
Champhai Lalrinchhana Hnamte, GC Carpentry & H&C Design Group
Siaha LH Thatha, KMC Firm & Construction Consultancy & VSE
Kolasib HD Lalhmingliana, HD Furniture
Serchhip Lalsangzuala, S&K Wall Panel Works
Lawngtlai C Lalnunmawii Chinzah, Fashion Inn
Mamit K Vanlalchhuanga, RAPCO Pvt. Ltd.
Khawzawl Zonunsanga, Joy Mobile Care & Ebenezer Mobil Solution
Saitual Ngurbiaktluangi, Nguri Puantahna
Hnahthial Lalzarzova, Zara Interior Works