Lok Adalat-in thubuai 24 chingfel

Lunglei District Legal Services Authority chuan November 12, Inrinni khan District Court-ah National Lok Adalat an buatsaih a; thubuai 38 an ngaihtuah zinga 24 an chingfel.

National Lok Adalat hi bench hnihah an ṭhu a, thubuai 38 ngaihtuah niin, heng zinga 24 chu chinfel nghal a ni. Thubuai thehluhte hi ba inṭhìnna te, nupa kar thubuai leh ram inchuh thubuaite a ni a; ba inṭhìnnaah hian Rs 14,62,850 ṭhìn chhuah sak an ni.

Lok Adalat hi inkhinna hmun ni loin inremna zawnna hmun a ni a, thubuai chi hrang hrang a thehluh theih a ni. Pawisa chawi ngai loin thubuai hi remsak ṭhin a ni a, thla tin Inrinni vawi hnihnaah an ṭhu ṭhin. Thubuai rem tur hian judicial officer, ukil leh social worker-te an ṭhu ṭhin a ni.