CM-in Kisan Mela 2022 a hawng

Chief minister Zoramthanga chuan nimin khan Kolasib-ah ICAR Research Complex for NEH Region Mizoram Centre buatsaih Kisan Mela 2022 a hawng a; lei nghênga eizawnna hmanga intodelh turin Mizoramah mipui châwm zo khawp ram ruak a awm thu a sawi.

CM Zoramthanga chuan, lei nghênga eizawnna hmanga intodelh turin Mizoramah mipui châwm zo khawp ram ruak hman ṭangkai theih a awm thu sawiin, "Sik leh sa nuam, ruahtui ṭha tak, boruak thianghlimte a awm a, hlâwk zawka thar chhuah theih nan kalphung thlak ngai eng nge kan neih tih te, harsatna kan neihte sutkian a nih theih nante loneitute leh mithiamte'n thawhhona ṭha an neih a pawimawh," a ti.

Mimala tih theih loh - link road leh ṭul dang siamte sorkarin a tih a ṭul thu sawiin Zoramthanga chuan, " eihna kan neih hi ngaihtuahna thlak danglamin, kal dan phung pangngai a hlâwk lo a nih chuan a hlâwk zawkte zawngin, tunlai thiamna hman ṭangkai nachang hriain, ṭangrual takin kan ramin hma a sawn theih nan hma kan lak tlan a ngai," a ti bawk.

Kisan Mela-ah hian dawr 21 hawn a ni a, sorkar department-te bakah,  ingdawl Farmers Society, Kawnpui Women Farmer Club, Bilkhawthlir Self help Group (SHG), MzSRLM  ingdawl RD SHG-ten an thil siam leh tharte an pho chhuak a ni.

Mela-ah hian minister of state K Lalrinliana chu khualzahawm a ni a; Chief Minister chuan ICAR hmunah type-II quarters pahnih sakna tur lungphùm a phùm bakah, ICAR - Tribal Sub Plan hnuaiah loneitu ṭhenkhat hnenah khawl leh bungrua a sem nghal bawk.