Mamit district CD ratio 74.56%

Mamit District Consultative Committee/ District Level Review Committee/ District Level Security Committee chu nimin khan an chairman Lalnunhlua, district bawrhsap hoin an ṭhukhawm. Kumin JulySeptember chhunga Mamit district-a bank-te credit deposit (CD) ratio chu 74.56% a nih thu tarlan a ni.

Ṭhutkhawma tarlan danin, kumin JulySeptember chhung khan pawisa chawi awm lo (zero balance)-a bank account hawnna PMJDY hnuaiah mipa 12,989 leh hmeichhia 16,995-te'n account an nei mek a; PMJJBY hnuaiah inziak lut mi 16,983, PMSBY hnuaiah inziak lut mi 33,638 leh Atal Pension Yojana hnuaiah kum 18-40 inkar inziak lut mi 705 an awm.

Social security schemeste'n account an neih dan aṭanga chhûtin, scheme hrang hrangte mipuiin an la ngai pawimawh tâwk loa a lan thu an sawi a; bank account nei zawng zawngte chu ngai pawimawha inziah luh nachang hre turin an ngen.

Mamit DC Lalnunhlua chuan, Potential Linked Credit Plan, 2023-24 a tlangzarh a, Plan hnuaiah hian cheng nuai 10,220.67 ruahman a ni.