World Diabetes Day hman a ni

National Programme for Prevention and Control of Cancer, Diabetes, Cardiovascular diseases and Stroke (NPCDCS) chuan nimin khan Taxation department auditoriumah World Diabetes Day an hmang a, Health & Family Welfare secretary Esther Lalruatkimi khuallian a ni.

World Diabetes Day hi a remchan hunah hman ṭhin a ni a, kumina thupui chu 'Education to protect tomorrow' tih a ni. A hmanna inkhawmchu Hospital & Medical Education joint director Dr PC Lalramliana'n a kaihruai a, Dr PC Lalramenga, MD, Civil Hospital, Aizawlin thupui a sawi.

Diabetologist Dr Lalruatpuii Hlawnmual-in zunthlum chungchanga hriat tur pawimawhte a sawi bawk.