KHAWTHLIR

KTP-in thisen pe
KṬP, Rengtekawn Pastor Bial chuan nimin khan Rengtekawn Kohhran Hall-ah Kolasib District Hospital tan thisen unit 31 an pe a, petute mipa 23 leh hmeichhia pariat an ni.

Heroin man
Champhai policete chuan November 13, Pathianni zan khan Champhaia lirthei an endiknaah maxicab MZ-04/9754 khalhtu Laldinpuia s/o
Funghleikhama (L), Champhai Dinthar Veng nia inchhál hnen aṭangin heroin kg. 2.907 an man. Heroin hi international market-ah cheng vbc.
14.5 chuang hû a ni.

Pollution endik
Mamit District Transport Officer chuan, Mamit district-a lirthei, kum khat tling tawhte chu Mamita Transport offi ceah  awhṭanni aṭanga
Zirtawpni inkarah ni tin tlai dar 2:30 aṭangin pollution endik theih a nih thu a tarlang. December 11, 2022-ah Pollution Under Control Certificate endik (check) a nih tur thu a tarlang bawk.

Air Force la dawn
Indian Air Force chuan, Agnipath scheme hnuaiah Indian Air Force sipai (Agniveervayu) a la dawn a, hre chiang duh leh dil duhte tan online
hmangin agnipathvayu. cdac.in ah November 7-23, 2022 chhungin inziah luh theih a ni.

Thiamthil zirna
Lunglei District Skill Committee bultumin nimin khan Lunglei district-a college zirlaite tan online e-learning platform - IBM SkillsBuild kaltlanga thiamthil hrang hrang zirna ṭan a ni a, zirlai 3,000 chuang an tel. Sorkar hna, industry leh sumdawnna lamah zirlaite'n hna an hmuh
theih nan CSRBOX kaltlangin zirlaite tan a thlawna zirtirna neih a nih tur thu tarlan a ni.

CM leh PWD hotute
Chief minister Zoramthanga chuan nimin zing khan Kolasib Circuit Houseah Kolasib district-a PWD hotute a kâwm a, kawngpui siam ṭhat ngai
lai leh hmalakna turte a sawipui a, kar hmasaa Guwahati-a Ministry of Road Transport and Highways hotute nen an ṭhutkhawmnaah Union
Minister-in Mizoram tan cheng vbc. 6,664 pek a nih tur a hrilh thu a sawi. Inkawmhonaah hian bialtu MLA K Lalrinliana leh district bawrhsap
John LT Sanga te pawh an tel a ni.