Science quiz-ah Mizoram pahnihna

November 15 leh 16 chhunga Guwahati-a hmarchhak state hrang hranga high school zirlaite science quiz hmanga inelna Sci Connect of North East Grand Finale-ah Mizoram Team-te chu pahnihna an ni.

Quiz competition hi hmarchhak state-te tan bika buatsaih a ni a, Mizoram bikah chuan Mizoram Science, Technology & Innovation Council (MISTIC) huaihawtin March, 2017 khan district tinah written test hmanga bul ṭan niin chuta tiṭha zirlai 15 te chu team hrang hrangah inṭhenin Aizawl-ah an inel leh a, chuta team titha ber chuan Mizoram ai an awh a ni.

Inelnah hian Tripura Team chu pakhatna niin an champion-a, Mizoram Team-te pahnihna niin Sikkim Team chu pathumna an ni.

Grand Finale-ah hian India hmar­chhak state pariat an tel kim a, Mizoram aṭang hian Lalremsiama Darchhun, PC Lalchhuanawma leh Lalthlamuani, St. Pauls HSS-a pawl 10 zirlaite an tel a, MISTIC bultuma kal an ni.Inelna hi northeast-a zirlaite science lama nasa leh zuala hma an sawn theihna tura hmalakna niin high school zirlai zinga science lama talent ṭha tak tak neite haichhuahna atana tih a ni.