Fisheries Minister-in Serlui a tlawh

Fisheries minister Van­lalawmpuii Chawng­thu chuan nimin khan Fihseries department.-in Serlui B-a sangha an khawina Fisheries Cage Culture a tlawh.

Vanlalawmpuii Chanwgthu hi Fisheries director SP Singh chuan an hmalakna tlangpui leh an sangha khawi dante hrilh­fiahin, sangha khawina bawm/cage te chu a hmun­ah an enfiah nghal a ni.

Fisheries department hotute sawi danin, Serlui tuikhuah ah hian sangha khawina cage 133 a awm a, cage khatah hian sangha chi/no 4000 vel an dah tlangpuia cage khat aṭangin sangha quintal 4 aṭanga quintal 6 thar chhuah a ni tlangpui a ni.

Sangha khawina hmun hi society thlanchhuahte'n an enkawl a, sangha an tharchhuah 50% chu enkawlna man ah an nei ṭhin a, a bak 50% chu sorkar revenue-ah chhun luh ṭhin a ni.