Dan bawhchhiaah CM puh

Mizoram BJP chuan thuchhuah siamin, chief minister Lal Thanhawla'n kum 2013 MLA inthlan dawna Salt Lake, Kolkata-a a ram neih a ziak tel lo chu dan bawhchhiatna a nih ngei thu an tarlang.

Mizoram BJP chuan Congress Media Dept. chu Chief Minister leh dawt hmanga Mizo mipui bum tumah puhin, 'November 8, 2013-a affidafit siam laiin Salt Lake in hmun hi Pu Hawla ta a la ni lo, Pu Hawla hian 25th July 2014 ah mutation a nei fel chauh' an ti chu a nuihzatthlak thu tarlangin, "Pu Hawla hian August 30, 2013 khan Sale Deed/ Deed of Conveyance a la fel vek tawh a, W Bengal sorkarin a pek atang leh Sale Deed a neihhnu hian ama nhmun ngei a ni tawh. November 8, 2013 affidafit-ah hian a ziak lang tel ngei turah kan ngai," an ti.

W Bengal Communist Party sorkarin Election Model Code hman tawh­hnu Vote thlak dawn ṭepa inhmun a sem chu hriat­thiam har an tih thu sawiin Mizoram BJP chuan, "In hmun a pek India milar filmstar, sportman, IPS. High Court Judge, politician thlan bikte hi tutenge tih sawilang turin MPCC Media kan phut a, Mizo­ram mipui hriatah an sawi ngei turah a ngai," an ti a, West Bengal sor­kar inhmun sem dan cri­teria chu RTI hmanga an zawhfiah mek thu an sawi.