MCS-te tana training buatsaih khar

Mizoram Civil Ser­vice (MC) te tana buatsaih foundation training course chu Inrinni khan State Institute of Ru­ral Development & Panchayati Raj (SIRDPR) auditorium-ah khar a ni a, UDPA minister Zo­dintluanga'n a hman pui.

Zodintluanga chuan MCS officer-te chu mipui tana awm leh mipui tana thawk an ni tih hre reng tur leh an awm chhan mipui tana rawngbawl tura theihtawp chhuah turin a fuih a, "Officer ṭha chu a hnathawhah a lang ṭhin a, hnathawh ṭhat avanga hotute hriat hlawh, ho­tuten mawhphurhna an pek ngam leh an thur nalh nalh nih tum ang che u," a ti.

Internet kaltlanga information lakkhawm leh thawnchhuah zung zung theihna digital khawvela chuang kai tawh kan nih avangin hriatna a pun rualin an hnathawhah fimkhur a ṭul lehzual pawimawh tih sawiin Zo­dintluanga chuan, "Political party tute pawh sorkar se la, sorkarna fawng vuantu apiang tana rinawm taka thawk mai tur a ni," a ti a, MCS-te chu ram hma­sawnna bul pawi­mawh zinga mi a nih thu a hrilh.

Training khar in­khawm hi SIRDPR di­rec­tor Maria CT Zuali'n kaihruaiin, course director KT Pakhuangte chuan training kalpui a nih dan tlangpui a sawifiah a ni.