Salem Vengin World Bank kawng an thianfai

Aizawl Salem Veng Branch YMA bultumin Inrinni khan Local Council hnuaia Sanitation Committee, MHIP leh Welfare hrang hrangte chu an huam chhunga World Bank Road thianfaiin an hnatlang.

Hnatlanga thawk chhuakte hian World Bank Road kawng kama ruihtheih thil hmang ṭhinte hnuhma leh zu bur ruak te, zu funna ruak leh ruihhlo hmanna hmanrua leh bawlhhlawh dangte an thianfai a ni. Rajiv Gandhi Stadium leh R Dengṭhuama Hall panna kawng pawh an thian fai nghal a ni.

Salem Veng Branch YMA hruaitute chuan, hawi thawvenna atana hmun hrang hrang aṭanga World Bank Road rawn pan ṭhinte chu an hriat thiam rualin, zu leh ruihhlo khawih nan leh mipat hmeichhiatna hman khawloh nan ringawta pan ṭhinte chu an ngaihmawh thu an sawi.

Zan rei tak tak thlenga thawm hriat tur awm ṭhin leh buaina siam an awm ṭhin chu ṭha lo an tih thu leh an dim loh tur thu sawiin Salem Branch YMA chuan, "Hetiang tiṭhinte chu inthiarfihlim turin kan ngen a, kan ngenna pawisa lova khawtlang duh loh zawnga khawsate chu YMA leh Welfare Duty-ten an thiam ang angin an zilh ang," an ti.