Chin ṭhalai conference Lawngtlai-ah

Novemeber Ni 23-26 chhung hian Khawvel pum huap Chin ṭhalaite intawhkhawmna tur, International Chin Christian Youth Conference chu Lawngtlai AOC Field ah neih a ni dawn a, CM Lal Thanhawla khuallian a ni ang.

Kum 2014 khan Lawngtlaiah International Lai Christian Leaders Meet neih ani a, meet-ah hian khawvel ram hrang hranga Laifa Kohhran, sorkar leh NGO a hruaitute kalkhawm chuan International Chin Literature Society an din a, ICLS hian khawvel pum huapa Laifate intawhkhawmna tur siam nise tia a lo rel angin International Chin Christian Youth Conference hi hman a ni dawn a ni.

Conference hi khawvel ram hrang hranga Chin mi awmte, a bikin ṭhalaite inpumkhatna ṭha zawk a siam a, ṭhalaite tan hma­sawnna a thlen ngei beiseina vanga buatsaih a ni dawn a ni. Conference thupui atan Unity (Joh.17:21) chu hman a ni dawn a, budget atan Rs 50,000,000 ruahman a ni.

Khawmpui atan Organising Committee din a ni a, kohhran hrang hrang aiawh leh NGO aiawhte ruat an ni. Sub-Committee peng hrang 15 siam niin, hengte hian an chanvo ṭheuh an buaipui mek a ni.