Kawng enkawlna'n vbc. 76.4 dah

PWD minister Lal Thanzara chuan, kum 2017-18 chhunga Mizoram kawngpui enkawlna, Road Maintenance Fund atan cheng vbc. 76.4 dah a ni thu a tarlang.

Assembly Session neih zawh taka MNF member Dr. K Beichhua zawhna ziaka chhangin PWD Minister chuan Mizoram PWD hian state road kms. 4,662.66 a thui a enkawl mek thu tarlangin, "Kawng enkawlna atan sum dah aṭanga hian kawngpui km. khat zela thui siam nan Rs. 1,43,780.58 awm ang a ni," a ti.

Lal Thanzara tarlan danin, kawngpui enkawl tur hian Main­tenance Action Plan siam a ni a, kawng enkawl hna chi hrang hrang thawh a ni. Sorkar kum kal mekah hmun 27-ah lungrem, cheng nuai 141.41 man thawh tum a ni a, cheng nuai 83.72 sengin culvert 21 siam tum niin, tun thlenga kawngpui enkawlna atan sum sen tawh zat chu a cheng nuai 1,320.22 a ni.