NIT Mizoramin Convocation an hmang

National Institue of Technology (NIT) Mizoram chuan nimin khan Mizoram University campus-a NIT Auditorium-ah Convocation vawi rukna an hmang a, zirlai 158 hnenah degree hlan a ni.

NIT Convocation-ah hian Governor Dr Hari Babu Kambhampati khuallian a ni a, NIT director Prof. S Sundar-a'n inkhawm a kaihruai. Governorchuan, NIT chu India rama engineering college ṭha bika chhàl a nih thu sawiin, NIT, Mizorama zirlaite chu chona lian zawk hmachhawn tura inbuatsaih turin a chah a; "Graduation day hi zirlai hlawhtlingte tana zin kawng tàwpna ní a ni lo a, hmachhawp lian leh harsa zawk hmachhawn tura bul ṭan thar lehna a ni," a ti.

Engineer-te tan suangtuahna lian tham neih a ngai tih sawiin Larsap chuan, "Thil thar, ni tin khawsak tiawlsamtu leh hmasawnna thlen thei thiamna emaw, thil hmuchhuak tura chàwl loa ngaihtuahna sên reng a, chîk taka thil thlir a, thil ngaihtuah a ngai," a ti a; thil harsa nia langte pawh chona anga hmachhawn zel tur a nih thu a sawi.

NIT, Mizoram Convocationah hian zirlai 158-in degree an dawng a; bachelor of technology mi 126, master of technology mi 26 leh doctor of philosophy zo mi 11 an ni. B.Tech zo zinga 70%-in hna an hmu nghal a ni.