Welfare Board-in an sum hmuh aṭangin Member leh an fate tan 52.63% an hmang

Mizoram Building & Other Construction Workers Welfare Board (MBOCWWB) hnuai­ah kum 2012-2017 chhungin vaibelchhia 11.15 hmuh a ni tawh a, heta ṭang hian 52.63% chu member leh an fate tana hman a ni.

MBOCWWB hian an sum hmuh aṭang hian cheng vbc. 5.76 chu member-te tan an hmang a, hei hi sum hmuh zawng zawng

aṭanga 51.6% a ni. Member ṭanpuina dawng hi mi 17,281 an ni. Sum hmuh aṭanga cheng nuai 11.52 chu member fate tana hman niin, hei hi sum hmuh zawng zawng aṭanga 1.03% a ni. Member fate ṭanpuina dawng tawh zat chu mi 16,756 an ni.

Member leh an fate hian ṭanpuina chi hrang hrang - children edcuation scholarship (pakhat tan) Rs. 2000, HSSLC cash award Rs. 10,000, medical assistance upto Rs. 10,000, accidental death benefit (hnathawhna hmunah) Rs. 2,00,000, natu­ral death benefit Rs. 10,000, funeral assistance Rs. 1000, disability benefit Rs. 30,000, disability person Rs. 400, marriage assistance Rs. 3000 leh maternity benefit Rs. 1000 te an dawng thei a ni.

Member fate ṭanpuina hi kum 2012-2017 chhung hian kum 2016-2017 tih lohah chuan kum tin pek chhuah a ni a, sum pek chhuah dan chu - 2012-2013 ah Rs. 59,55,300, 2013-2014 ah Rs. 4,40,70,000, 2014-2015 ah Rs. 17,01,000, 2015-2016 ah Rs. 10,000 leh 2017-2018 (October 31 thleng) Rs. 11,52,000 a ni.

Hetihlai hian MBOCWWB hnuaia hna­thawk ban tak mi 36 te aiawh tur chu nimin thleng khan lak a la ni lo.