MPSC-in thiam an chang

June 28, 2016-a Mizoram Public Service Commission (MPSC)-in MCS preliminary exam a buatsaihah a chhanna (answer key) dik lo a awm nia an hriat avanga exam beitu zinga mi pahnih Gauhati High Court, Aizawl Bench-a an zualkona chu ngaihtuah a nih hnuah, Court chuan MPSC-in tihdik loh a neih a hmuh loh avangin thubuai a ti tawp.

Thudawn danin, he thubuai hi Court chuan November 15 leh 16, 2017 khan a ngaihtuaha, complaint thehluttu mi pahnih chhanna (answer paper) leh MPSC-in answer key a siamte a enfiah hnuah MPSC-in tihdik loh a neih a hmu lo a ni.

Court-a zualkote hian an chhanna a dik nia an sawi pawh hi dik ni se, preliminary exam hi an pal tlang zo chuang loa, MPSC hnuaia mithiamte endik tawh saah Court chuan inrawlhna tur nei loah a inngai a ni.