PRISM-in Land Reforms kalpui an tum

PRISM chuan nimin khan an pisa-ah Land Reform chungchang an sawiho a, sorkarna an siam chuan Land Reform kalpui ngei an tum thu an sawi.

PRISM president Vanlalruata chuan, "Kan Mizo Lalten ram an lo pek te, district council in ram an pek leh village council-ten ram an lo pek tawh zawng zawng kan pawm vek dawn. Compensation lak nan a hman theih vek dawn a ni. Ram inbawhthuah a awm chuan pass nei hmasain an chang ang a, khaw ramri (village boundary) buai zawng zawng pawh chinfel vek kan tum ang,” a ti.

Mizoramah hian ram zau pui pui, ṭha tak tak, hman tangkai si loh tam tak a awm tih sawiin Vanlalruata chuan, "Heng kan ram ṭha te hi ei leh bara intodelh tur chuan hman tangkai a ngai a, awmze nei taka sorkar hian hma a lak a hun tawh," a ti a, PRISM-in sorkarna an siam hunah chuan, kan ram ṭha neih hman ṭangkai siloh hmang ṭangkai tur hian hma an lak nghal tur thu a sawi.